Стенд атудан Азия кубогы Алматыда өтеді
Қазір Оңтүстік Кореяның Чангвон қаласында нысана көздеуден XV Азия чемпионаты өтіп жатыр.
Осында өткен жиынның нәтижесінде 2024 жылғы 20-30 қыркүйек аралығында Алматыда Азия кубогы өтетін болды, деп хабарлайды Almaty-akshamy.kz
Онда нысана көздеуден Азия конфедерациясы атқару комитетінің отырысы өтіп, бірқатар жайт талқыланды.
Кейінгі жылдары Қазақстан спорттың осы түрінен бірқатар халықаралық жарысты жоғары деңгейде ұйымдастырып келеді. Соның бірі - биыл Алматыдағы рейтингтік әлем кубогы. Сол жарысқа 42 мемлекеттен 500-ге жуық мерген жиналған.
