Шілдеден бастап газдың бағасы қымбаттайды
Газ бағасы Астанада – 27 052 теңге, Алматыда – 25 103 теңге болып бекітілді.
Бұйрық 2023 жылғы 8 маусымнан бастап қолданысқа енгізіледі, деп хабарлайды Almaty-akshamy.kz
ҚР Энергетика министрлігі 2023 жылғы 6 маусымдағы бұйрығымен Қазақстан Республикасының ішкі нарығында тауарлық газды көтерме саудада өткізудің шекті бағаларын бекітті.
"1 шілдеден бастап 2024 жылғы 30 маусымды қоса алғанда, газдың 1 мың текше метрі үшін шекті бағасы теңгемен Астанада – 27 052 теңге, Алматыда – 25 103 теңге, Шымкентте – 26 197 теңге болып бекітілді. Ал 2027 жылғы 1 шілдеден бастап 2028 жылғы 30 маусымды қоса алғанда газдың 1 мың текше метрі үшін шекті бағасы теңгемен Астанада – 36 135 теңге, Алматыда – 42 759 теңге, Шымкентте – 41 158 теңге болып бекітілді", делінген құжатта.
Сондай-ақ Қазақстан Республикасының ішкі нарығында сығымдалған және сұйытылған табиғи газ өндіру үшін тауарлық газды сатып алатын өнеркәсіптік тұтынушы-инвесторларға тауарлық газды көтерме саудада өткізудің шекті бағалары бекітілген.
