Шанхайдан Гамбургке жаңа маршрут пайда болды
Жаңа бағыт!
Шанхайдан Қазақстан аумағымен Гамбургке теміржол жүк тасымалы ашылды. Жаңа бағыт бойынша алғашқы тауар пойызы жолға шықты, деп хабарлайды Almaty-akshamy.kz. Qazaqtv.com сайтына сілтеме жасап.
«Шанхай экспресі» неміс қаласына киім-кешек, автобөлшектер, күн батареялары, ыдыс-аяқ, жиһаз сынды әртүрлі қажетті заттарды жеткізеді. Тауарлар 40 футтық 50 контейнерге жүктелді. Пойыз Гамбургке екі апта ішінде жетеді. Ол Қазақстан, Ресей, Беларусь және Польша арқылы транзиттен өтуі тиіс.
Ал қайтарда 4-ші Қытай халықаралық импорттық ЭКСПО көрмесіне қатысқан неміс компанияларына тиесілі өнімдерді жүктеу жоспарлануда.
Шанхай кеденінің ақпараты бойынша, тауарлар межелі жерге апта сайын келетін болады.
Болашақта Қытай-Еуропа теміржол жүк тасымалы аясында қосымша бағыттар ашылатынын айта кеткен жөн.