«Халық қатысатын бюджеттің» қорытындысы шықты

Алматыда «Халыққа қатысатын бюджеттің» үздік бастамасы бойынша дауыс берудің қорытындысы шықты

«Халық қатысатын бюджет» аясында 125 мыңға жуық дауысты (124 854) тұрғындар үйлерінің, көшелері мен аудандарының аумағын абаттандыру және дамыту үшін берген, деп хабарлайды almaty-akshamy.kz

Медеу (38 617), Жетісу (19 235) және Әуезов (17 515) аудандарының тұрғындары белсенділік танытты, барлық дауыстың 60%-ы соларға тиесілі. Дауыс беру барысында қала тұрғындары мынадай бастамаларды анықтады:

• Алатау ауданында ең көп дауыс «Мәдениет» ТҮК-нің аула аумағын абаттандыру және автоматты суару жүйесін орнату жобасы; Шәріпов көшесі, 15 мекенжайындағы балалар алаңын жөндеуге және т.б. берілген;
• Алмалы ауданында - Қазыбек би көшесі, 124 үй маңындағы аула және үй маңындағы аумақты көгалдандыру; Үлкен Алматы өзені бойындағы «Панорама» ТҮК маңындағы жағалауды абаттандыру және т.б.;
• Әуезов ауданында – Қабдолов көшесі, 28 мекенжайындағы бос орынды абаттандыру; 2, 42 және т.б шағын ауданда футбол алаңын және балалар алаңын жаңарту;
• Бостандық ауданында – Гагарин бульварын жөндеу (Абай даңғылынан Жандосов көшесіне дейін); Первомайская көшесін абаттандыру және т.б.;
• Жетісу ауданында – Рысқұлов даңғылы/Бродский көшесіндегі зират қоршауларын жөндеу; Айнабұлақ 119,120,121,123 және т.б. ш/а аула аумағын абаттандыру;
• Медеу ауданында – Жамбыл көшесіндегі (Қонаев көшесінен Назарбаев көшесіне дейін) көгалдарды автоматты суару; Есентай өзенінің жағалауын жөндеу және т.б.;
• Наурызбай ауданында – «Шұғыла Сити» 6-10 ТҮК спорт және балалар алаңдарын орнату; Таужолы және т. б ш/а тротуарларды, пандустарды, арықтарды салу және жөндеу.
• Түрксіб ауданында – Молдағалиев көшесі, 28/1 тереңдетілген контейнерлік алаң салу; Қапшағай көпіріндегі суару жүйесін жөндеу (Бекмахановқа бұрылыс) және т.б.

2024 жылы жүзеге асыруға рұқсат етілген жобалардың толық тізбесін budget.open-almaty.kz порталындағы «Жобалар бойынша материалдар» бөлімінен көруге болады.