Қазақстанның әскери саперлері кәсіби шеберліктерін жетілдіріп жатыр
Арнайы техника мен роботтарды қолдануды да үйренеді.
Қазақстадық саперлер кәсіби шеберліктерін жетілдіріп жатыр, деп хабарлайды Almaty-akhamy.kz.
Қазақстан Қарулы Күштерінде инженерлік-саперлік сала мамандарының жиыны өтіп жатыр.
«Аталған шаралар «Қауіпсіз ел» ұлттық жобасын және Мемлекет басшысының оқ-дәрілерді қауіпсіз сақтауды қамтамасыз ету жөніндегі тапсырмаларын іске асыруға бағытталып отыр», - делінген Қорғаныс министрлігінің баспасөз қызметінің хабарламасында.
Жиын барысында саперлер тәжірибелі нұсқаушылардың басшылығымен пайдалануға жарамсыз деп танылған оқ-дәрілерді жою іс-қимылының бірыңғай алгоритмін пысықтайтын болады.
Сондай-ақ, мамандар арнайы техника мен роботтарды қолдануды да үйренеді.
Жарылыс қаупі бар заттардан аумақты тазарту кезінде қауіпсіздік ережелері қатаң сақталады.
