Қазақстанда әлеуметтік маңызы бар пилоттық жоба іске қосылады
Бұл жоба арқылы әлеуметтік маңызы бар азық-түлік бағасын бақылауға болады.
Қазақстан Үкіметі әлеуметтік маңызы бар азық-түлік бағасын бақылауды қолға алуды жоспарлар отыр. Осы мақсатта арнайы пилоттық жоба іске асыралады, деп хабарлайды Almaty-akshamy.kz ҚазАқпаратқа сілтеме жасап.
Электронды шот-фактуралар ақпараттық жүйесі негізінде Қазақстан аумағында бақыланатын әлеуметтік маңызы бар азық-түлік тауарларын және тас көмірді әкімшілендіруді жетілдіру үшін пилоттық жобаны іске қосу жоспарланған. Бұл туралы Мемлекеттік кірістер комитетіне сілтеме жасап ҚазАқпарат хабарлайды.
Инфляцияның өсуіне, азық-түлік өнімдері мен мұнай өнімдеріне бағаның өсуіне жол бермеу жөніндегі шаралар шеңберінде Мемлекеттік кірістер комитеті «Электрондық шот-фактуралардың ақпараттық жүйесі негізінде Қазақстан Республикасының аумағында бақыланатын әлеуметтік маңызы бар азық-түлік тауарларын және (немесе) тас көмірді әкімшілендіруді жетілдіру жөніндегі пилоттық жобаны іске асыру қағидаларын бекіту туралы» Қаржы министрі бұйрығының жобасын әзірледі.
Осы бұйрықпен әлеуметтік маңызы бар тауарлар мен көмірді өткізу кезінде электрондық шот-фактураларды (ЭШФ) шығару бойынша салық төлеушілердің міндетін енгізу бөлігінде пилоттық жобаны 2022 жылғы 31 желтоқсанға дейін іске асыру көзделеді.
