Қазақшада кеткен қатені түзеп, сыйлық алу мүмкіндігі
Бұрын-соңды болмаған жоба.
Қазіргі таңда көптеген жерлерде, көрнекі құралдарда, тауарлардың атында немесе тауарлар сөресінде, дүкен атаулары мен жарнамалардағы қазақ тіліндегі қате ақпараттан көз сүрінеді.
Суреттер: Kaz.365info.kz
Бұндай олқылықтарды жою мақсатында «TAS GROUP» компаниялар тобы тілімізге жанашырлық танытып, қазақ тілін дамытуға өз үлестерін қоспақ. Осы орайда компания «Тіл сақшысы» деген жобаны қолға алып отыр, деп хабарлайды Almaty-akshamy.kz.
Оған кез келген адам қатыса алады. Байқау шарттарына сай жылдың соңына дейін ең үздік нәтиже көрсеткен 3 Тіл сақшысына ақшалай сыйлықтар табысталады.
«Ұлттың сақталуына да, жоғалуына да себеп болатын нәрсенің ең қуаттысы – тілі» деген Ахмет Байтұрсынұлының сөзін желеу қылған жоба жайлы толығырақ https://tilsaqshysy.assyltas.kz/ сайтынан білуге болады.
