«Қауіпсіз сауда» республикалық акциясы басталды
Төтенше жағдай министрлігі сауда объектілерінде өрттің пайда болуы қаупін азайтуға бағытталған «Қауіпсіз сауда» республикалық акцияны жариялады.
Акция шеңберінде ТЖМ бөлімшелері сауда ойын-сауық орталықтарында, сауда үйлерінде және базарларда өрт қауіпсіздігі саласындағы заңнаманы сақтау бойынша алдын алу іс-шараларын жүргізеді, оның ішінде олардың иелерімен және жалға алушыларымен кездесулер ұйымдастырып, ұсынымдар береді, деп хабарлайды аlmaty-akshamy.kz.
Ал ірі сауда объектілерде сонымен қатар өрт-тактикалық оқу-жаттығулар өткізілуі жоспарлануда.
Профилактикалық акция 23 ақпанға дейін жалғасады.
ТЖМ кәсіпкерлерді өрт қауіпсіздігі шараларын сақтауға шақырады.
