Израильден қазақстандықтар мінген рейс Алматыға қонды
Израильдегі соғыс жағдайының өршуіне байланысты сонда жүрген 124 қазақстандық арнайы репатриациялық рейспен елге жеткізілді, деп хабарлайды almaty-akshamy.kz.
Алматының халықаралық әуежайына Қазақстан азаматтары мінген «Air Astana» әуе компаниясының ұшағы келіп қонды
Әуе кемесінің бортында 166 жолаушы болды. Оның 124 – і ҚР азаматы, қалғаны — шетелдіктер.
Сондай-ақ, елге оралғандардың 14-і «Болашақ» бағдарламасы бойынша тағылымдамадан өтіп жатқан стипендиат. Отандастарымызды туған-туыстары, жақындары, достары және БАҚ өкілдері қарсы алды
