Еліміздің қай қалаларында пәтер бағасы арзандады?

Мамырда Қазақстанның 13 қаласында екінші нарықта пәтер бағасы түскен. 

Тек төрт қалада қымбаттап жатыр. Krisha.kz келтірген мониторингке сәйкес, өткен айдың қорытындысы бойынша орташа баға 374 556 теңгені құраған. Бұл сәуірге қарағанда 0,4%-ға аз.

Баға қатты төмендеген қалалар:

— Астана — 1,3%;

— Өскемен — 1,2%;

— Атырау — 1%;

— Алматы — 0,9% төмендеген.

Шымкентте, Таразда (+0.2 %), Семейде (+0.4 %), Ақтауда (0.5 %) көтерілген.

Мамырдың қорытындысы бойынша 1 шаршы метрдің ең жоғары орташа бағасы:

Алматыда — 706 мың

Астанада — 475 мың

Шымкентте — 433 мың.

Ең төмені – Қызылордада (236 мың), Ақтөбеде (293 мың), Таразда (306 мың) тіркелген.

Жыл басынан бері екінші нарықтағы пәтерлер айтарлықтай қымбаттады: +0,4 %.

Ең қатты өсім – Ақтауда +4,2 %, ең төмені Көкшетауда — 3,3 %.

Жалпы бес айда 12 қалада баспана қымбаттаған, соның ішінде Алматыда, Шымкентте - 2%, бес қалада, соның ішінде Астанада — 1,7 % арзандаған.

Ал, бір жылдық динамика бойынша (2022 жылдың мамырынан 2023 жылдың мамырына дейін) екінші нарық орташа 3,8 %-ға қымбаттаған.

Ең үлкен өсім Ақтауда - 13,4 %. Ең төмені Талдықорғанда — 5,2 %.