Бүгін бес қалада ауа сапасы нашарлайды
27 ақпан, дүйсенбі күні, Қазақстан аумағының басым бөлігінде қолайлы метеорологиялық жағдай сақталады, деп хабарлайды Almaty-akshamy.kz.
«Қазгидромет» РМК баспасөз қызметі таратқан мәліметке сенсек, 27 ақпанда еліміздегі қалалардың басым көпшілігінде метеорологиялық ахуал бірқалыпты болады.
Тек Қарағанды, Жезқазған, Атырау, Шымкент, Алматы қалаларында ғана ауа сапасы нашарлайды.
Қолайсыз метеорологиялық жағдай - атмосфералық ауаның беткі қабатында зиянды заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
ҚМЖ жағдайында елді мекендердегі атмосфералық ауаның сапасы нашарлауы ықтимал.
