Бүгін 4 қалада ауа сапасы нашарлайды
«Қазгидромет» РМК 14 қарашада Қазақстан қалаларында қалыптасатын метеорологиялық ахуалға болжамын жариялады, деп хабарлайды аlmaty-akshamy.kz.
Сейсенбі күні ауаның ластануының қолайсыз метеожағдайы Алматы, Шымкент, түнде Астана, Атырау қалаларында күтіледі. Өзге шаһарларда ауа сапасы норма шегінде болады.
Қолайсыз метеорологиялық жағдайлар – атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.
Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.
