Алматының ҰҚКД бастығы Нұрлан Мәжилов қамауға алынды
Бұл туралы Бас прокурор айтты.
Ұлттық қауіпсіздік комитетінің Алматы қаласы бойынша департамент бастығы Нұрлан Мәжилов ұсталды. Бұл туралы Мәжіліс отырысында Бас прокурор Берік Асылов мәлімдеді, деп хабарлайды Almaty-akshamy.kz
«5 қаңтарда Алматыдағы екі полиция департаменті мен үш департаменттің, сондай-ақ Алматы, Жамбыл және Қызылорда облыстарының бастықтары өз ғимараттарын, соның ішінде қаруды қалдырғаны анықталды. Осы деректер бойынша 7 қылмыстық іс қозғалды. Олар бойынша тергеу әрекеттерінің негізгі көлемі аяқталды. Алматы ҰҚКД бастығы Нұрлан Мәжилов қамауға алынды. Қазір басқа адамдарға қатысты дәлелдемелерді жинау және талдау жүргізіліп жатыр», – деді Берік Асылов.
