Алматылық сарапшылар вакцинациялаудың маңыздылығын атап өтті
4 наурыз адам папиллома вирусы туралы халықаралық хабардарлық күні болып жарияланды. Өңірлік коммуникациялар қызметінің алаңында Алматы онкологиялық орталығы сарапшыларының қатысуымен брифинг өтті, олар ПВ-мен байланысты аурулардың алдын алу, ерте анықтау және емдеудің маңыздылығы туралы айтты.
Адамның папиллома вирусы - жатыр мойны обырының, ерлер мен әйелдердің сыртқы жыныс мүшелерінің қатерлі ісігінің, ауыз қуысының қатерлі ісігінің және аногенитальды сүйелдердің дамуын тудыратын инфекция (вирус).
«Папиллома вирустың 200-ге жуық түрінен тұратын топ, оның 14 түрі адамдар үшін қауіпті деп танылған. Бұл вирус әлемдегі ең көп таралған вирустардың бірі болып табылады және адамдардың көпшілігі өмір бойы АПВ-нің қандай да бір түрін жұқтырады. Жыныстық белсенді жастағы әйелдер мен 25-30 жасқа дейінгі ер адамдар инфекцияға жиі ұшырайды», - деді Алматы Онкологиялық орталығы директорының орынбасары Турешева Алия.
Көп жағдайда АПВ инфекциясы емделусіз қалпына келеді. Алайда, кейбір адамдарда бұл вирус инфекциясы қатерлі ісіктің дамуына әкелуі мүмкін.
Алдын алу бағдарламалары - жатыр мойны обырын вакцинациялау және скрининг жоғары тиімді деп танылды.
Вакцинацияның экономикалық тиімділігі көптеген зерттеулерде дәлелденді. Жатыр мойны обырына қарсы вакцинация әртүрлі елдерде аурушаңдық пен өлімді 70-тен 97% - ға дейін төмендетеді.
«Бүгінгі таңда жатыр мойны обыры дамушы елдердегі әйелдерде жиі кездесетін қатерлі ісіктердің бірі болып табылады. Қатерлі ісікті зерттеу жөніндегі халықаралық агенттіктің болжамды мәліметтері бойынша, дамушы елдерде жатыр мойны обырымен сырқаттанушылықтың артуы күтілуде, осыған байланысты осы аурудың алдын алуға көбірек көңіл бөлінуде. Қатерлі ісікті зерттеу жөніндегі халықаралық агенттіктің мәліметтері бойынша, 2020 жылы жатыр мойны обырының 604 000 жаңа жағдайы анықталған және осы аурудан 342 000 адам қайтыс болды, олардың негізгі үлесі дамушы елдердегі әйелдерге тиесілі», - деп қосты ол.
Сарапшы атап өткендей, елде жатыр мойны обыры онкологиялық аурулар бойынша екінші орында тұр, жыл сайын бұл дерттің 1900-ден астам жаңа жағдайы тіркеледі және осы аурудан 600-ге жуық адам қайтыс болады.
Сонымен қатар, ол 2024 жылдың күзінде ата-анасының келісімімен 11 жастағы жасөспірім қыздарды вакцинациялауды бастау жоспарланғанын еске салды.
