Алматыда ақпараттық интерактивті кітаптың тұсаукесері өтті
Кітапта IT технологияның соңғы үлгілері қолданылған.
Алматыда «Орал қаласының тарихы» атты ақпараттық интерактивті кітаптың тұсаукесері өтті, деп хабарлайды Almaty-akshamy.kz Almaty.tv сілтеме жасап.
Жиынға зиялы қауым өкілдері, жазушылар мен тарихшылар қатысты. Бұл туындыны шығарудағы мақсат – Орал қаласының тарихын, оның дамуы мен өркендеу жолдарын зерделеу. Еңбекте шаһардың қалыптасуының ежелгі кезеңінен бүгінге дейінгі мол мәліметтер енгізілген. Туындыда оқырманды қызықтыру үшін технологиялар ұтымды пайдаланылған.
Бұл кітаптың ерекшелігі - IT технологияның соңғы үлгілері қолданылған. Цифрлық жағынан бұл кітаптың алғы сөзінен бастап ішіндегі Жайық қаласынан табылған жәдігерлерімізді 3D моделін электронды гаджеттер арқылы тамашалауға болады», – деді Орал қаласы мәдениет және тілдерді дамыту бөлімінің басшысы Серік Қайырлиев.
