Алматы облысында қызметтік борышын атқару кезінде қаза тапқан қызметкерлерге ескерткіш орнатылды
Ескерткіш Қазақстан полициясына 30 жыл толу мерекесіне орай орнатылған.
Алматы облысы бойынша ҚАЖ департаментіне қарасты ЛА-155/12 мекемесі аумағында қызметтік борышын атқару кезінде қаза тапқан қызметкерлерге ескерткіш орнатылды, деп хабарлайды Almaty-akshamy.kz Polisia.kz-ке сілтеме жасап.
Қазақстан полициясына 30 жыл мерекесі қарсаныңда Алматы облысы бойынша ҚАЖ департаментіне қарасты ЛА-155/12 мекемесінде қызметтік борышын атқару кезінде қаза тапқан қызметкерлерге арналған ескерткіштің ашылуы салтанатты түрде өтті.
Іс-шараға ІІМ ҚАЖК ардагерлер кеңесінің төрағасы Ихсат Дюсембин, Алматы қаласының ҚАЖ ардагерлер кенесінің төрағасы Ерғали Сағалбаев, Алматы облысы бойынша ҚАЖ ардагерлері, мамандандырылған прокуратура және Ұлттық ұлан өкілдері, Әділет департаментінің және Төтенше жағдайлар департаментінің басшылығы, Алматы облысында қызметте қаза тапқан ҚАЖ қызметкерлерінің жақындары шақырылды.
Сонымен қатар ҚАЖ департаментінің және оған бағынысты мекеме басшылығымен жеке құрамы қатысты.
Мерекелік шара ҚР Мемлекеттік Әнұранмен басталып, ескерткішке гүл шоқтарын қою рәсімі өткізілді. Қызметтік борышын атқару кезінде қаза болған қызметкерлерді бір минут үнсіздікпен еске алды.
Салтанатты іс-шараны өткізу барысында озат қызметкерлер Ішкі істер министрінің, ҚАЖ Комитетінің төрағасының және ҚАЖД бастығының медальдарымен, төсбелгілерімен және грамоталарымен марапатталды. Мерекелік шара концерттік бағдарламамен жалғасты.
