Алматы облысында 150 адам эвакуацияланды
Сел басу қаупі бар.
"Қазселденқорғау" мемлекеттік мекемесінің баспасөз қызметінің мәліметінше, Алматы облысындағы Талғар бөгетінде топырақ бөгеті шайылып, сел қаупіне байланысты 150 адам қауіпсіз жерге көшірілді, деп хабарлайды Almaty-akshamy.kz
Ведомствоның мәліметінше, Талғар бөгетінің бөрене ұстағыш құрылғысында бөгетті су шайып кеткен.
"2023 жылдың 22 шілдесінде сағат 00:30-дағы сел тасқынының кері әсері салдарынан Талғар бөгетінің бөрене ұстағыш құрылғысында топырақ бөгетінің оң жағын су шайып кетті. Ұзындығы 5,5 метр, ені 3 метр, тереңдігі 1,2 метр, көлемі шамамен 20 текше метрлік шұңқыр пайда болды", - деп хабарлады ведомстводағылар.
Шұңқырды қалпына келтіру жұмыстарын "Қазселденқорғау" филиалы жүргізеді.
