Алматы қаласындағы өрт фактісі бойынша қылмыстық іс тіркелді
Хостелдегі өрттің шығу себептерін тексеру үшін министр генерал-майор Сырым Шәріпхановтың басшылығымен ТЖМ-ның жедел тобы оқиға орнына аттанды.
Алдын ала мәліметтер бойынша өрт ошағы жертөленің дәлізінде болған. Өрт орнында Алматы қаласы ТЖД өрт сынау зертханасының анықтаушылары мен мамандары жұмыс істеуде, деп хабарлайды Almaty-akshamy.kz.
ҚР ТЖМ мәліметінше, бұл объект бір жарым ай бұрын хостел ретінде қайта жабдықталған. Хостелдің ауданы 457 шаршы метрді құрайды.
Алматы қаласы ТЖД өрттің осы фактісі бойынша ҚР Қылмыстық кодексінің 292-бабына сәйкес қылмыстық іс тіркелді.
Алматы қаласы ТЖД 8(7272)78-20-83, 8(7272)78-20-84, ҚР ТЖМ Дағдарыстық
жағдайлардағы басқару орталығы 8(7172)70-41-08 жедел желі телефоны жұмыс істейді.
Ақпарат түсуіне байланысты толықтырылатын болады.
