Өркениет философы

Әл-Фараби атындағы Қазақ Ұлттық университетінің ректоры Ғалым Мұтанов Қазақстан, Қырғызстан және Тәжікстан­дағы ЮНЕСКО өкілдерімен, Алматыдағы ЮНЕСКО кластерлік бюросының дирек­торы Криста Пиккат­пен кездесті. Кездесу Әбу Насыр әл-Фарабидің 1150 жылдық мерейтойы қарсаңындағы іс-шараға арналған болатын. 

Шығыстың екінші Аристотелі, ұлы ойшыл және ортағасырлық ғалым-энцик­­лопедист  Әбу Насыр  әл-Фарабидің мерейтойын атап өтуді 2016 жылы БҰҰ-ның  «Өркениеттер альян­сы»  VІІ ғаламдық форумында «әл-Фараби – өркениет философы»  атты  секциясының  ашылуы  кезінде ҚазҰУ ұсынғанын атап өткен жөн. Секция жұмысы барысында ҚазҰУ-дің қайы­рымды қоғамды дамыту концеп­циясы шетелдік ғылым белділері арасын­да кеңінен қолдау тапты. 2020 жылы ЮНЕСКО ұйымының басшылы­ғымен  Әбу Насыр әл-Фарабидің 1150 жылдығын атап өту туралы жоспар­ланған іс-шара өтеді.

ҚазҰУ-дың ректоры Ғалым Мұта­нов:

– ҚазҰУ-де әл-Фараби мұрасын зерттеу жұмыстары жүргізілуде. Уни­вер­ситетте ұлы ойшылдың мұражайы ашы­лып, кітаптары жарыққа шығары­лып, халықаралық Фараби оқулары өткізіліп отыр. ҚазҰУ Ыстамбұл және Иордан университеттерінде әл-Фараби ғылыми орталықтарын ұйымдастырды. Сонымен қатар, жоғары оқу орны технология мен рухани-адамгершілік қасиеттер біріккен тұғыры негізінде жасалған Al-Farabі Unіversіty smart cіty атты бірегей жобасын ойдағыдай жүзеге асырып келеді. Сондай-ақ, қонақтарды уни­верситеттің  «Қоғам­ның қайы­рымды тұрғындарын қалып­тастыру» деген бүгінгі міндетті жоба­сымен таныстыра келіп, Әбу Насыр әл-Фарабидің өркениет туралы еңбек­тері мен философиясы, олардың жаһандану кезеңіндегі өзектілігінің өскені туралы да айтып өтті.

Бұл жоба әл-Фарабидің трактаты мен Н.Ә.Назарбаевтың «Болашаққа бағдар: рухани жаңғыру» мақаласын­дағы айтыл­ған ойлармен сабақтасып жатыр. Кездесу кезінде шығыстың ұлы ғалымының ойлары мен еңбектерін кеңінен жария ету үшін әлемдік деңгейдегі «әл-Фараби – 2020» атты кең көлемдегі ақпараттық-насихат­тау жұмыстары қолға алынғаны туралы баса айтылды. Өз кезегінде Алматы қала­сындағы ЮНЕСКО кластерлік бюросы­ның директоры Криста Пиккат іс-шара­лардың жоғары деңгейде өтуіне барынша күш салатынын жеткізді.

 

Р.ЕРЕЖЕПҚЫЗЫ,

әл-Фараби атындағы ҚазҰУ-дың Заң факультеті.

 

 

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *