КВИ аурушаңдығы мектеп жасына дейінгі балаларда -5,9%
Жасы бойынша КВИ ауыршаңдығының пайыздық саны айтылды.
КВИ аурушаңдығы өзін-өзі жұмыспен қамтығандар мен жұмыс істемейтіндер арасында – 39%, түрлі ЖШС, ЖК, АҚ жұмыскерлері – 17%, зейнеткерлер – 21%, оқушылар – 9,1% және мектеп жасына дейінгі балалар – 5,9% құрайды, деп хабарлайды Almaty-akshamy.kz.
Мұндай мәліметті бүгін Алматыда өткен онлайн жиында қаланың санитариялық-эпидемиологиялық бақылау департаментінің басшысы, қаланың бас мемлекеттік санитар дәрігері Жандарбек Бекшин айтты.
«Жасы бойынша КВИ аурушаңдығы бұрынғыдай 20-39 жас аралығындағы азаматтар арасында – 33,5 %, 40-59 жас аралығында 25,2% және 60 жас және одан жоғары – 23,1% тіркелген, бұл барлық жағдайлардың 82%-ын құрайды. Қалған 18% – балалар мен жасөспірімдер», - деді бас санитар.
Жаңа оқу жылының басталуымен оффлайн форматында оқушылар арасында аурудың көбеюі күтілуде, - деп атап өтті Ж. Бекшин.
