Индонезияның алтын кен орында көшкін жүрді
Индонезияның Батыс Калимантан провинциясындағы алтын кенішінде көшкін жүріп, 20 жұмысшы жер астында қалып қойды. Бұл туралы Индонезияның құтқару қызметінің өкілі Эрик Субарьянто айтты, деп хабарлайды Almaty-akshamy.kz Inform.kz-ке сілтеме жасап.
Оқиға бейсенбі күні болған, бірақ құтқарушылар бұл туралы бір күннен кейін ғана білген.
«Бізге жұма күні кешке ақпарат келіп, дереу оқиға орнына құтқару қызметін жібердік», - деді Э.Субарьянто.
«Жауын-шашынның көп түсуіне, шахтаның шалғай орналасуына және коммуникацияның нашарлығына байланысты құтқару жұмыстары баяу жүріп жатыр. Шахта аймағындағы жұмыстарға әскерилер, жергілікті төтенше жағдайлар басқармасының қызметкерлері мен ауыл тұрғындары да жұмылдырылған», - деді Э. Субарьянто.
