Грек-рим күресінен «алтын» бұйырмады
Мейіржан Шермаханбет күміс жүлдеге ие болды.
Қытайдың Ханчжоу қаласында өтіп жатқан Азия ойындарында Қазақстан құрамасының өкілі Мейіржан Шермаханбет грек-рим күресінен финалда бірінші орын үшін белдесті, деп хабарлайды Almaty-akshamy.kz
Sports.kz хабарлауынша, Азия ойындарындағы бұл сында отандасымыз жапон спортшысы Кацуаки Эндомен кездесті. Екі палуанның белдесуі жапондық спортшының пайдасына 4:3 есебімен, қарсыласымыздың жеңісімен аяқталды. Осылайша, жапондық палуанға алтын бұйырса, қазақстандық спортшы күміс жүлдеге ие болды.
Енді Қазақстан қоржынында 48 жүлделі орын бар: олардың бесеуі - алтын, он бірі - күміс, отыз екісі - қола.
