Енді ерлі-зайыптылар бейнеқоңырау арқылы келісім бере алады
25 қыркүйектен бастап бұл қызмет eGov Mobile платформасында қолжетімді.
Енді ерлі-зайыптылардың нотариалды келісімін бейнеқоңырау арқылы алуға болады, деп хабарлайды Almaty-akshamy.kz
Әділет вице-министрі Бекболат Молдабековтың айтуынша, бұл нотариалды келісім алу процесін айтарлықтай жеңілдетеді.
"Азаматтар нотариусқа бармай-ақ қажетті келісімді тез әрі ыңғайлы түрде ала алады. Бұл процесс биометриялық сәйкестендірудің озық технологияларын пайдалана отырып, деректердің қауіпсіздігі мен құпиялылығын қамтамасыз етеді", – деді ол.
Оның сөзінше, онлайн форматтың артықшылығы – уақыт пен нотариусқа баруға кететін шығындарды үнемдеу, сондай-ақ кез келген ыңғайлы уақытта алу мүмкіндігі тумақ.
Қызметті алу үшін:
eGov Mobile платформасына кіру;
өтініш формасын толтыру және биометриялық тексеруден өту;
бейнеқоңырау арқылы келісімді рәсімдеу;
нотариус қызметіне ақы төлеу;
Нәтижесінде құжат "Цифрлық құжаттар" қызметінде қолжетімді болады.
