Еліміздегі бірнеше әскери гарнизонның мүлкі ұрланған
Қазір Қорғаныс министрлігінің әскери бөлімдерінде әскери мүліктің сақталуын қамтамасыз ету үшін тексерулер жүргізіп жатыр.
Бас әскери прокуратура «әскери мүліктің ұрланғаны анықталды» деп мәлімдеді, деп хабарлайды Almaty-akshamy.kz
«Алматы, Қонаев, Сарыөзек және Талдықорған гарнизондарында 825 млн теңгеге жуық сомаға заттай мүлік пен жеке қорғаныс құралдарын ұрлау белгілері бойынша сотқа дейінгі тергеу басталды, 8 қылмыстық іс қозғалды. Тергеуді Бас әскери прокуратураның арнайы прокурорлары жүзеге асырады», - деп жазылған ақпарда.
Тергеу мүддесіне сай өзге ақпарат жария етілмейді.
