Бішкекте өткен Қазақстан президентін сайлау процесінде заң бұзылмады
Сайлау құқығын жүзеге асыруы үшін барлық жағдай жасалды.
ТМД Парламентаралық Ассамблеясының халықаралық бақылаушысы Исламбек Мұрсабеков Бішкекте өткен Қазақстан президентін кезектен тыс сайлау процесінде ескертулердің болмағанын және заң бұзылмағанын атап өтті, деп хабарлайды Almaty-akshamy.kz Almaty.tv cілтеме жасап.
«Бүгін біз Қазақстанның Қырғыз Республикасындағы Елшілігіндегі сайлау учаскесінде сайлау барысын бақыладық. Учаскелік комиссия сайлау үдерісін Қазақстан Республикасының заңнамасына және халықаралық сайлау стандарттарының талаптарына сәйкес жоғары деңгейде ұйымдастырып, көптеген ақпараттық жұмыстар жүргізгенін атап өткім келеді. Сайлаушылар дауыс беруге қалай қатысқанын көрдік. Сайтта кандидаттар, дауыс беру барысы мен тәртібі туралы ақпараттық стендтер қойылып, жасырын дауыс беруге арналған кабина да орнатылған. Осыған сәйкес Қазақстан халқының өз сайлау құқығын жүзеге асыруы үшін барлық жағдай жасалды. Дауыс беру кезінде ескертулер мен заң бұзушылықтар тіркелген жоқ», - деді халықаралық бақылаушы Исламбек Мұрсабеков.
