Алматыдағы Оқушылар сарайының алдындағы скверді реконструкциялау жөніндегі жоспарлар туралы
Сквердің аумағында күрделі жөндеу жұмыстары 15 жылдан астам уақыт бойы жүргізілмеген. Қазіргі уақытта алаң қараусыз қалған күйде көрінеді:
- саябақтың үлкен аумағында түнгі уақытта жарық жоқ;
- тротуарлардың төсемі қанағаттанарлықсыз жағдайда, сынған, кей жерлерде елеулі олқылықтар орын алған;
- газондар тапталып, бүкіл аумақтың шөбі жойылған;
- суару жүйесі істен шыққан ;
- шағын сәулет пішіндері, орындықтар, урналар және т.б. қанағаттанғысыз жағдайда.
Сонымен қатар Оқушылар сарайының жанындағы сквер ҚР "Тарихи-мәдени мұра объектілерін қорғау және пайдалану туралы" Заңымен қорғалады. Сквердің аумағы ресми түрде Алматы қаласының тарихи-мәдени мұра объектілерінің, ескерткіштердің Қорғау аймағына, құрылыс салуды реттеу аймағына және қорғалатын табиғи ландшафт аймағына кіреді.
Скверді қайта құрудың ағымдағы жобасы 2021 жылы әзірленді. Аяқталу мерзімі - 2022 жылғы 30 қараша. Сквердің жалпы алаңы - 5 га.2021 жылғы желтоқсанда "EC ENERGY Qazaqstan"ЖШС мердігерлік ұйымымен тиісті шарт жасалды.
Саябақты реконструкциялау оның бастапқы келбетін өзгертуді қарастырмайды. Асфальт төсемімен ауыстыру жазғы кезеңде асфальт жабынының тез қызуына байланысты жүргізіледі, бұл тұрғындарға ыңғайсыздық туғызады. Жөндеу жұмыстары жүргізілгеннен кейін уақытша бөлшектелген гранит жабындары мен қабырғалар ескерткіштердің айналасында және орталық аллеяның бойында қайта орнатылады.
Жобада қарастырылатыны:
- қолданыстағы аумақты халықтың түрлі жастағы топтарына арналған көпбейінді кеңістік ретінде қайта құру. Сондай-ақ мүмкіндігі шектеулі жандар үшін жаяу жүргіншілер инфрақұрылымын жақсарту;
- бұрыннан бар суару жүйесін қалпына келтіру;
- кешкі уақытта сквердің қауіпсіздігін қамтамасыз ету үшін сыртқы жарықтандыру жүйесін әзірлеу;
- жаңбыр жауған кезде аумақты су басуына жол бермеу мақсатында су бұру жүйесін әзірлеу;
- аумақта балалар шығармашылығына арналған алаңдарды, түрлі шағын сәулет пішіндерін, ойын төбелерін, үстел ойындарына арналған алаңдарды, шағын амфитеатрды жасау қарастырылған.
Жобада сквердің құрылымын өзгерту, сау ағаштарды кесу қарастырылмаған. Жоба скверді сақтауға және оның функционалдық жағдайын қолдауға бағытталған. Сондай-ақ, жоба жұртшылықпен бірнеше рет талқыланғанын, заңнамада белгіленген тәртіппен ресми қоғамдық тыңдаулар өкен болатын. Жоба вневедомствалық кешенді сараптаманың оң қорытындысын алды және бекітілген техникалық-экономикалық көрсеткіштермен іске асыруға ұсынылды.
Еске салсақ, реконструкциялау бойынша алғашқы жоба 2018 жылы әзірленген болатын. Жоба шын мәнінде жасыл желектерді кесу және алаңның бастапқы келбетін өзгерту бойынша көптеген жұмыстарды қамтыды. Осыған байланысты ағаштарды және сквердің бастапқы келбетін сақтай отырып, қайта сараптама жүргізілді.
- Интернетте ақаулы гранит шекараларының бейнелері пайда болуда. Жұмысты тексеру барысында басқарма мамандары бөлшектеу кезінде гранит жиектерінің зақымдану фактісін анықтады.
Осыған байланысты мердігер ұйымға қатысты абаттандыру ережелерін бұзғаны үшін әкімшілік жазалау шаралары қабылданды.
Айта кетерлігі, Оқушылар сарайының жанындағы скверде жөндеу жұмыстары жүргізілгеннен кейін уақытша бөлшектелген гранит жиектастары мен қабырға аралықтары ескерткіштердің айналасына және орталық аллеяның бойына қайта орнатылады, - деді Алматы қаласы экология және қоршаған орта басқармасының басшысы Серік Әділбаев.
