Алматыда салық борышкерлеріне 10 күн уақыт берілді

1 қазанда жеке тұлғалардың 2022 жылға арналған мүлік салығын төлеу мерзімі аяқталды, деп хабарлайды аlmaty-akshamy.kz Алматы қаласы Мемлекеттік кірістер департаментінің баспасөз қызметіне сілтеме жасап.

Алматы қалалық Мемлекеттік кіріс департаментінің мәліметінше, екінші деңгейлі банктердің өтініштері мен коммуналдық төлемдер арқылы қарызды өтеу туралы бірнеше рет хабарлама жіберілгенімен, 16 123 жеке тұлға жалпы сомасы 604 миллион теңге салықты төлемеген.

"15 қарашадан кейін борышкерлерге қатысты материалдар сот орындаушыларына шара қолдану үшін жіберіледі, оның ішінде мүлкіне және банк шоттарына тыйым салу, елден тыс жерлерге шығуды шектеу, сонымен қатар сот орындаушылары қарыз сомасынан сот шығындарының 25 пайызға дейінгі соманы ұстап қалады", - делінген салық органының хабарламасында.

Айта кету керек, кешіктірілген әрбір күн үшін Ұлттық банк белгілеген қайта қаржыландырудың ресми мөлшерлемесінің 1,25 еселенген мөлшерінде өсімпұл алынады.

Салық төлемеуге байланысты келеңсіз жағдайларды болдырмау үшін 15 қарашаға дейін қарызды өтеу қажет екені айтылды.