ТҰРҒЫНДАРДЫ ТОЛҒАНДЫРҒАН МӘСЕЛЕЛЕР ҚАРАСТЫРЫЛДЫ

Әуезов ауданы әкімінің есеп беру кездесуі Қазақ қатынас жол­дары университетінде өтті. Жиын­ға Алматы қаласы әкімінің орын­басары Ерлан Әукенов, аудандық бөлім басшылары, қоғамдық бірлестіктердің өкілдері мен аудан тұрғындары қатысты. Басқосу барысында Мемлекет бас­шысы­ның «Қазақстандықтардың әл-ауқатының өсуі: табыс пен тұр­мыс сапасын арттыру» атты Жолдауына негізделген баяндама жасаған  Әуезов ауданының әкімі ауданның әлеуметтік-экономи­калық даму деңгейіне жан-жақты тоқталып, өткен жылғы атқарыл­ған іргелі істер мен қол жеткізген жетістіктерді атап өтті.

Балнұр АХМЕТ

Жиында аудан әкімінің есеп­тік баяндамасынан соң сөз алған Алматы қаласы әкімінің орын­басары Ерлан Әукенов тұрғын­дарды қаладағы атқарылған жұмыстармен, алдағы уақытта атқарылатын ауқымды іс-шара­лармен таныстырып, қырық жеті жылдық тарихы бар Әуезов ауда­нының қазіргі елеулі жетістіктерін ерекше атап көрсетті.

Аудан басшысының есептік кездесуінде тұрғындарды толған­дырған бірқатар маңызды мәсе­лелер айтылды. Мысалы, «Ақсай-4» ықшамауданындағы көпқа­батты үйдің бірінші қабатында тұратын аудан тұрғындары лифт орнатылғанда оны мүлде пайда­ланбайтындықтан, ақша төлеме­сек екен деген өтініш-тілектерін жеткізді. «Достық» ықшамауда­нының тұрғыны салқын су мен кәріз жүйесі мәселесін шешіп беруді өтінді. «Ақсай-5» ықшам­ау­данының тұрғындары қоғам­дық орындарда мүмкіндігі шек­теулі адамдарға арналған пандус­тар көбірек орнатылса деген өтінішін білдірді. «Жетісу-4» ықшамауданында тұратын зей­нет­кер коммуналдық қызметтер­дің тарифі көтерілгенін, ПИК қызметі тұрғындардың көңілінен шықпайтынын тілге тиек етті. «Ақсай-1» ықшамауданының тұрғыны қандай адамдардың тегін дәрі-дәрмек алуға құқығы бар екенін сұраса, қауіпсіздік мәселе­сін алға тартқан  «Ақсай-5» ық­шам­ауданының тұрғыны Байзақ батыр көшесіне тротуар төсеу туралы тілегін білдірді. Осы­лайша жиында екі микрофон алдында кезек күтіп, сөз алған тұрғындар күнделікті тұрмыс-тіршілігінде шешімін таппай жүрген өзекті де өткір мәселелерді аудан басшы­сына атап көрсетті. Тұрғындарды мұқият тыңдаған аудан әкімі  Әнуар Өскенбаев аталған мәсе­лелердің барлығы алдағы уақытта шешімін табатындығын айтты.

Толығырақ

Ұқсас ақпараттар

Добавить комментарий

Ваш e-mail не будет опубликован. Обязательные поля помечены *