«АЛМАТЫ» ТАҚТАЛАРЫ әлемнің ешбір елінде жоқ

«АЛМАТЫ» ТАҚТАЛАРЫ  әлемнің ешбір елінде жоқ
almaty-akshamy.kz

Ұлы дала дәстүрі жастардың қалалық мәдениетіне қалай енеді? Алматылық Максим Сорокин ерекше жоба ойлап тапты. Ол белсенді жастарды мәдени құндылыққа баулып, қазақ халқының дәстүрімен таныстыра отырып, дәстүрлі бұйымдар бейнеленген бордтар жасайды.

Бір қуантарлығы, көрпешелер мен дәстүрлі киіз тәпішкелері бар тақталар жас ұрпақтың көңілінен шықты. Экстремалды спортшылардың өздері ұлттық тақталарды жылы қабылдаған. Олар шет елдерде өтетін жарыстарда тек спорттық шеберлікті ғана емес, сонымен қатар қазақ жерінің дәстүрін, мәдениетін паш етуге болатынын тілге тиек етті.

– Дизайнға қатысты идеялар өте көп. Біздің бірінші топтамамыз 90-шы жылдардың стиліне сәйкес жасалды. Біз ол кезде танымал Sony Walkman ойнатқышына, аудиокассеталарға және ойын приставкаларына сілтемелер жасадық. Екінші топтамада этникалық және қалалық мотивтер пайда болды. Біз бұны Алматы мен Қазақстанның мәдениетіне деген сүйіспеншілігіміз бен құрметімізді көрсетудің тамаша мүмкіндігі деп білеміз, – деді жоба ұйымдастырушысы Алексей Ефимченко.

Барлық тақта канадалық үйеңкіден жасалған. Әдетте тақта тығыз басылған және бір-біріне желімделген жеті қабаттан тұрады. Әзірге Қазақстанда тақталар өндірісі жолға қойылмаған, өйткені тиісті зауыттар жоқ. Әлем елдерінде де олар көп емес. Ал Алматы бордтары сияқты бірегей дизайн әлемнің еш жерінде жоқ көрінеді.