Маңғыстауда аудан әкімдері есірткімен ұсталды

Маңғыстауда аудан әкімінің орынбасары есірткі қылмысына қатысы бар деген күдікпен ұсталды, деп жазады Alash.KZ.

Күдікке ілінген үш адамның бірі Мұнайлы ауданы әкімінің орынбасары болса, екіншісі Атамекен ауылдық округі әкімінің орынбасары.

"Қазіргі таңда әкімнің орынбасары уақытша ұстау изоляторына қамалды, ал өзге күдіктілерге қатысты бұлтартпау шарасы қарастырылып жатыр", - деп хабарлайды Маңғыстау облысының әкімдігі.

Тәркіленген заттар сараптамаға жіберілді.