Шымкентте 11 жастағы жасөспірімді 27 мың вольттық тоқ соғып, денесінің 80%-ы күйіп қалды, деп хабарлайды Alash.kz.
27 тамыз күні жүк вагондары тұрған аймақта жасөспірімді тоқ соқты. КТК хабарлауынша, бала арнайы баспалдақ арқылы жүк вагонының үстіне шыққан. Алайда жоғары кернеулі ток соғып, ауыр жарақат алған. Дәрігерлер бала денесінің 80%-ы күйіп қалған деп отыр.
Қазір тоқ соққан жасөспірім жансақтау бөлімінде, хәл үстінде жатыр.
Полицияның мәліметінше, жасөспірім вокзалдың кіреберісінен өтпегендіктен, бақылау камераларынан көрінбеген. Қауіпсіздік талаптарын бұзу фактісі бойынша сотқа дейінгі тергеу басталды.
“Темір жол көлігін пайдалану және қозғалыс қауіпсіздігі талаптарын бұзу” бабы бойынша қылмыстық іс тіркелді. Қазір тергеу жүріп жатыр. Теміржол – аса қауіпті аймақ екенін ескертеміз”, – деді Шымкент станциясы желілік полиция бөлімінің басшысы Нұрлан Қошқарбеков.
