Шымкент қаласы әкімінің орынбасары Руслан Берденов өз еркімен қызметінен кетті, деп хабарлайды Alash.kz.
Ол бұл лауазымды биылғы жылдың ақпан айынан бастап атқарып келген.
Руслан Берденов 1985 жылы наурыз айында Шымкент қаласында дүниеге келген. Әл-Фараби атындағы Қазақ ұлттық университетін және КИМЭП университетін «Іскерлік басқару магистрі, қаржылық менеджмент маманы» мамандығы бойынша тәмамдаған.
Еңбек жолын 2007 жылы “Procter & Gamble LLP” компаниясында бастаған. Кейінгі жылдары ол бірнеше ірі ұйымдарда жетекші қызметтер атқарған: 2010-2012 жылдары “EASTCOMTRANS” ЖШС-нің жылжымалы құрамды жалға беру департаментінің директоры, 2012-2018 жылдары “Ақ ниет” ЖШС-нің бас директоры, 2018-2019 жылдары сол компанияның бақылау кеңесінің мүшесі, ал 2019-2023 жылдары “Aq Niet Group” бақылау кеңесі төрағасының орынбасары қызметін атқарған.
2023 жылдың наурыз айынан Шымкент қаласы әкімінің орынбасары болып тағайындалғанға дейін Руслан Берденов Қазақстан Республикасы Парламенті VIII шақырылымының депутаты, Қаржы және бюджет комитетінің мүшесі болған.
