Тірі болсам, қазаққа қызмет етпей қоймаймын!

Әлихан Бөкейхан

Шұғыл! Әуе шабуылы: Израильдің Йеменге жойқын шабуылы жағдайды ушықтырды

10:08, 29 тамыз 2025 202

Израильдің әскери әуе күштері Йемен астанасы Санаға жойқын әуе соққысын жасады. Жойғыш ұшақтар қаланың бірнеше ауданын нысанаға алған, деп хабарлайды Alash.kz.

БАҚ мәліметінше, әсіресе Сананың батыс бөлігіндегі кварталдар қатты зардап шеккен. Қазір қираулар туралы деректер белгілі, алайда адам шығынына қатысты ақпарат нақтыланып жатыр.

Айта кетейік, Сана қаласы 2014 жылдан бері “Ансар Аллах” қозғалысының (хуситтер) бақылауында. Сарапшылардың пікірінше, Израильдің бұл қадамы Таяу Шығыстағы шиеленісті одан әрі күшейтуі мүмкін.

Бұған дейін, 21 тамызда Израиль Газа секторына ірі әскери операция бастаған еді. ЦАХАЛ-дың ресми өкілі Эффи Дефриннің сөзінше, “Газа маңындағы бірнеше аудан Израиль армиясының бақылауына өткен”.

Аймақтағы жағдай күн санап қиындап барады. Йеменге жасалған бұл әуе соққысы Израильдің әскери іс-қимылдарының жаңа бағыт алғанын көрсетіп отыр.

Бұл мақала туралы не ойлайсыз?
Жарнама
Соңғы жаңалықтар