Бокстан екі дүркін олимпиада жүлдегері, тұңғыш әлем чемпионы Болат Жұмаділов журналист Нұрсейіт Жылқышыбайға берген сұхбатында інісі, үзеңгілес досы Бекзат Саттарханов туралы жылы естеліктерін айтты, деп мәлімдейді Alash.kz.
Жасындай жарқылдаа өткен жас таланттың жан-жақтылығы мен еңбекқорлығын ерекше атап өткен Жұмаділов інісінің құрамаға қалай келгенін, олимпиада 57 кг конкуренциясында олимпиадаға бірінші нөмірлі болып, қалай өткенін баяндап берді.
Бауырымыздың жатқан жері жайлы болсын. Жаны жәннатта болсын! Бекзат бауырымыз өнерлі жігіт еді. Сегіз қырлы бір сырлы еді. Тек бокспен шектелмей, ән айтатын, гитара ойнай алатын.
Олар інілеріміз ғой. Мен 73-жылғымын. Олар 80-жылғы. Нұржан Каримжанов, Серік Елеуов, Бекзат Саттарханов, Олжас Оразалиев, Мақсат Бақтыбазаров, Бауыржан Қайырменов бір команда болды. Бір жылда түсіп, бірінші нөмірлі болды.
Бекзат інім спаринг партнерім еді. Мен ересектер арасында 51 кг болдым. Ол жастар болып келді. 57 килограмда болды. Бірақ, біз жаттығуда бірге бокстасып, бір-бірімізге спаринг партнер болдық. Соның арқасында бір-бірімізге шеберлікті дамытуға тырысатынбыз. Ол өте намысы бар жігіт еді. Кросста жастар арасында жастар арасынан Бекзат бірінші болып жүгіретін. Алыс кросстарды ұратын. Аяғына корғасын киіп алатын. Еңьегі көрінетін. Еңбектің арқасында, Аллаға шүкір, алтын медальға ие болды.
57 кг салмақта Бақтияр Тілегенов лидер еді. Оны Хьюстонға Әлем чемпионатына апарды. Бекзат Ташкентте лицензия ұтып алып, бірінші номер болып, олимпиадаға барды.
