Тірі болсам, қазаққа қызмет етпей қоймаймын!

Әлихан Бөкейхан

“Күтпеген жағдай… Кешірім сұраймыз”. Мирас Жүгінісов концерті жайлы шұғыл мәлімдеме жасады

15:04, 29 тамыз 2025 254

Қыркүйек айында үлкен концертін беруді жоспарлаған танымал әнші Мирас Жүгінісов кештің кейінге шегерілгенін хабарлады, деп жазады Alash.kz.

Әнші бұл туралы Instagram парақшасында мәлімдеді. Алматы қаласының Орталық стадионында өтуі тиіс шара қыркүйек айынан кейін болатынын, өкінішпен жеткізді.

“7 қыркүйек күні Алматы қаласындағы Орталық стадионда өтуі жоспарланған үлкен концертім белгілі бір себептерге байланысты жақын арадағы басқа күнге шегеріледі.

Бұл шешімді қабылдау біз үшін оңай болмады.

Алайда, тыңдармандарымызға ең жоғары деңгейде шоу сыйлау – біздің басты мақсатымыз. Сондықтан барлық дайындықты толық әрі сапалы өткізу үшін уақытты қайта қарастыруға мәжбүр болдық.

Біз бұл жаңалық сіздер үшін күтпеген жағдай болғанын жақсы түсінеміз. Сол себепті әрбір жанкүйерден кешірім сұрай отырып, түсіністікпен қарауларыңызды сұраймыз!

“Сатып алынған барлық билеттер жаңа күнге жарамды болады. Концерттің нақты өтетін күні жақын арада қосымша хабарланатын болады.”

Біз сіздермен бірге ұмытылмас музыкалық кешті бөлісуге асықпыз.

Күтіңіз – ең керемет сәт әлі алда!

Барлық жаңалықтар мен жаңартуларды ресми парақшалардан бақылап отырыңыздар.

Ізгі ниетпен, Мирас Жүгінісов!“ - деді әнші жазбада. 

Бұл мақала туралы не ойлайсыз?
Жарнама
Соңғы жаңалықтар