ТМД-ға белгілі әнші Макс Корждың 6-қыркүйекте Алматыдағы концерті өтпейтін болды, деп хабарлайды Alash.kz.
Көптен күткен кешке алыс-жақын шетелден туристер жиыла бастаған. Алайда, межелеген күнге 1 апта қалғанда концерттің болмайтыны жария болды. 
Жол билеттері мен жатар жерлеріне алдын-ала ақы төлеп қойған әншінің жанкүйерлері Қазақстан Президенті Қасым-Жомарт Тоқаевқа үндеу жасады.
Мемлекет басшысының Instagram парақшасына мыңдаған пікір қалдырған өнер сүйер қауым Тоқаевтан араша сұрады.
Кештің өтпей қалуына “Қайрат” футбол клубының UEFA Чемпиондар лигасының ойындарына дайындалып жатқанын себеп санап отыр желідегілер.
Макс Корждың концертін тоқтату туралы қабылданған шешімді қайта қарастыруды шын жүректен сұраймыз. Бұл шараға қазірдің өзінде түрлі елдерден ондаған мың адам жиналуды жоспарлап отыр. Көптеген тыңдарман билеттерін алдын ала сатып алып, сапар кестесін құрып, қонақүйлерін брондап қойған.
Концертке небәрі бір апта қалғанда оның өтпей қалуы мыңдаған адамға ауыр соққы болды. Қазақстан әрдайым ашықтығымен әрі қонақжайлылығымен ерекшеленетін ел. Сол себепті концерттің белгіленген күні өтуіне мүмкіндік берулеріңізді өтінеміз.
Алматыдағы Макс Корж концертіне бір апта қалғанда оның тоқтатылғаны хабарланды. Шараға 30–40 мыңға жуық адам жиналады деп күтілген. Алайда көптеген билет иелерінің билеттері қайтарылмайтын болып шықты.
Концерттің өтуіне қолдау көрсетулеріңізді сұраймыз. Өйткені тыңдармандар Ресейден, Азия елдерінен, тіпті Еуропадан да келмек. Көптеген адамдар осы шара үшін несие рәсімдеп, еңбек демалысын жоспарлап, сапарларын тоғыз ай бұрын дайындап қойған. Өткен жылы да концерт өткізілмей қалған еді. Сондықтан бұл жолғы жағдайға ерекше назар аударуыңызды өтінеміз. Концерт Алматы қаласында 2025 жылдың 6 қыркүйегіне белгіленген. Алдын ала ризашылығымызды білдіреміз.
Біз, Макс Корж шығармашылығын бағалайтын жанкүйерлер, сіздерге шынайы өтінішпен жүгінеміз: 2025 жылдың 6 қыркүйегінде Алматыда өтуі тиіс концерттің тоқтатылмауын сұраймыз. Бұл шара Қазақстандағы және шетелдегі мыңдаған тыңдарман үшін ерекше маңызды.
Көпшілігіміз бұл концертті көптен бері күтіп жүрміз, тіпті кейбіріміз бірнеше жылдан бері армандап келеміз. Біз тек концерт билеттерін ғана емес, ұшақ пен пойызға жолдамаларды алдын ала алып, қонақүйлерді брондап, бүкіл сапарымызды жоспарлап қойғанбыз. Көпшілігіміз үшін бұл жай ғана ойын-сауық емес, достарымызбен және жақындарымызбен бөліскімз келген көптен күткен ерекше сәт.
Сондықтан мыңдаған жанкүйердің тілегін ескеріп, концертті өткізудің мүмкіндігін табуларыңызды өтінеміз. Бірлесе әрекет еткен жағдайда бәріне қолайлы шешім табылатынына сенімдіміз.
