Адвокат Ләззат Ахатова әлеуметтік желіде «боксшы Жанқош Тұраров зорлады» деп мәлімдеген Әнару Құрманәлі ісін қайта қозғап, өзі жақтасан қызға қатысты маңызды мәлімдеме жасады деп жазды Alash.kz.
Ахатованың қыз тағдырына о баста араласқысы келмегенін, кейін мұның бәрі өз басына ауыр тигенін жазды:
«Мына тақырыпты жалғастыру да жиіркенішті боп тұр..Арсыз қыздың өзі тұрмақ, атының өзі жиіркенішті. Сонда да, сол істі тергеу кезінде анықталған жайттарды жасырмай, айтып кетейін. Өз артын өзі ашқан, ессіз, жүгенсіз, бетімен кеткен қыздың әкесіне обал..
1. Ол істі алғаш рет тергеу қылмыс құрамы жоқ деп, қысқартып, бүкіл БАҚ-тан хабарлап еді. Сол кезде Бас Прокуратураға бірнеше рет шағым жазып жүріп, істі қайта жаңғыртқан едім. Сол кезде сол күйі қоя салуым керек екен, сонша жүйкемді құртпай..
2. Жеті жыл бұрын отбасылы еркектің шақыруымен қонақүйге барған қыз сусынына бірдеңе қосып бергендіктен, есін білмей қалған. Содан атышулы боксер арам ойын іске асырған. Қыздың айтуынша, оның еркінен тыс. Яғни, зорлаған. Сосын ол есін жиғасын, арыз жазам деп, жылаған. Ал Жанқош Тұраров қызға “әйелімді сүймеймін, сені сүйем, маған ұл туып бер, сені алам” деген. Қыз арыз жазбаған», — деді ол.
«Мен жәбірленушінің тергеуде берген жауаптарына қарай, ретімен айтып отырмын. Ақ-қарасын өздеріңіз ажыратып аларсыздар. Шынымен зорланған ба, әлде ойнас еркегінің отбасын тастап, өзіне үйленбегеніне ерегісіп, елді шулатқан ба, пайымдап аларсыздар..Пәлен-түген деп, пікір айтпай-ақ қояйын..Ақыры, «Жанқошпен келісіп” алған екем) “Келіскеннің” қандай болатынын енді көрсін.
3. Жеті жыл бойы қорқып келдім деді. Аядық, сендік. Мен де аяп, сендім. Ал ол қыздың тергеудегі әр жауабынан, сөздерінің қиыспайтынынан сенім азайып, күдік қоюлана берді. Сонда да кәсіби міндетімді атқардым. Қазақша айтқанда, қорғаушы ретінде біржақты позициядан таймадым. Тіпті істен шығып кеткенде де, қанша ренжісем де, сол позициядан өзгерген жоқпын. Ал енді “тыныш жатқан бүркіттің бір жерін түртіп, үркіткен” өзі.
4. Жеті жыл бұрынғы жағдайды дәлелдеу мүмкін емес, әрине. Сол кезде бірден арыз бергенде, орысша айтқанда, “было бы проще”. Сарапшы дәрігерлер қыздық перденің бүлінгенін, зорлық белгісін анықтап берер еді. Арызданған жоқ, ол кезде. Зорланған қыз зорлықшының түрін көргісі келмейді емес пе, ары қарай кездеспек түгілі?.. Ертеңіне де кездесіп, көшеде әлгі спортшы еркектің көлігінде ж.қатынасқа түстік деп, ұялмай айтып отырғанда, тергеушіден мен ұялып кеттім..», — деп баяндады адвокат.
Заңгердің сөзіне қарағанда, жеті жыл зорланған адам арызды бірден жазуға тиіс болған.
«5. Қош, жеті жыл бойы ол еркек қызды “қорқытып, бопсалап” келіпті. Бізге айтуы бойынша. Соңғы рет “зорланғаны” 2024 жылдың 13 — тамызы. Ал жәбірленуші полицияға арызды 19-тамыз күні барып, жазған. 2018 -жылы алғаш “зорланғанда” жас болыпты, тәжірибесіз болыпты. Жеті жылда зорланған жағдайда арызды бірден жазу керегін білу керек емес пе еді?..
Алты күннен соң, әбден жуынып, ойланып барған ба, полицияға?..оған да түсіністікпен қарадық, “депрессияға түсіп, есін сол кезде жинаған” деп.
Тергеуші ол қыздың арызды мас күйінде келіп, жазғанын айтқанда, тағы ұялып, қызарып кеттім. Одан мас боп, полиция ғимаратының алдында бір қыздармен жұлысып, футболкасын жыртып, кеудесін жалаңаштаған видеосын көргенде де, бетім қызарып, жерге қарадым ғой..
Қанша рет бетім қызарды, негізі, бұл қыз үшін. Абыройсыз адамның ісін жүргізу де абырой әпермейтінін ұғынсам да, “адасып қалған бала ғой. Анасы да жоқ. Әкесі өз отбасында, өзімен-өзі. Кеудесінен итермей, жанын түсінуге тырысайық, түзу жолға түсіп кетер”-деген үміт болды, көңілде.. Удай мас күйінде бір кафеде шыңғырып, біреулермен қырылысып жүргенін Козачков та шығарып еді ғой, каналына
Одан тергеу тобы көршілерінен жауап алғандағы, көршілерінің жауаптарына тағы қызардық..”Ж..деп ойлаймыз, солай киінеді, ылғи түнде жүреді, түр әлпеті жеңіл жүрісті қызға ұқсайды”-деген жауаптар. Сол үшін де тергеушімен ұрысқаным есімде. Көршілерінде нелерің бар деп.
6. Сараптама қорытындысы бойынша 13-тамыз күні Жанқош Тұраров пен Әнару Құрманәлінің ж.қатынасқа түскені расталды. Ол биологиялық сараптаманы да айқай-шумен өткізгенімізге өздеріңіз куәсіздер. Тұраров келмей, қашқақтап, қорғау тараптан шағым түсіп, оны сотта бұздырып, қол жеткіздік.
Ал енді зорлық орын алды ма, әлде қатынас екі адамның келісімімен болды ма? Біз зорлық дедік, екінші тарап өз еркімізбен болдық деді. Болғандары анық. Тұраровтың “ол қызды танымаймын” дегені далбаса әңгіме. “Апама жездем сай” деген сөз бар ғой. Перепискалары бар, сол күнгі, “бара жатырмын, келе жатырмын” деген.
Зорланған адам бір жарым сутка “зорлықшы” еркекпен бір бөлмеде қалмайтын шығар?..
— Неге айқайламадыңыз, көршілерді көмекке шақырмадыңыз?-деген сұрақ болды, тергеуде. Орынды сұрақ қой, жалпы.
Қоштасайық деп айтуға шақырған екен, жәбірленушінің айтуынша. Сөйтіп, қоштасу мақсатында бірге шарап ішкен) Содан соң, “насильникті” спокойно шығарып салып, оның әйеліне жазған. “Сенің күйеуің мені зорлады” деп. Содан екі бикештің қақтығысы басталады. Біреу соттатам дейді, екіншісі “попробуй, қолыңнан түк келмейді, сен ол үшін жай тряпкасың”-дейді. Содан әйеліне ерегісіп, барып, арыз жаза салады. Әкесіне жылап-сықтап, журналистерді жинатып алады да, сұқбат беріп тастайды, ерегісіп. Все просто, ол үшін) Арасында анасы жоқ жетімдігін айтып, елдің аянышын туғызады. Манипуляция жасауды шебер меңгерген. Шынымен зардап шексе, сараптама қолында тұр, тағы бір адвокаты бар, істі өзі соңына жеткізбей ме?», — деді ол.
Кейіннен заңгер Әнеру Құрманәлінің белгілі айтыскер ақын Айнұр Тұрсынбаевамен қандай қарым-қатынасы барына тоқталды:
«Ал Айнұр Тұрсынбаеваға келсек, Айнұр “мен де әкенің жылуын көрмей өстім ғой, Қалдыбек ағамен сыйласушы ем. Анасы ақын болған екен, жүрегім ауырып кетті”-деп, бұл қызға шын жаны ашып, мықты психологтың 10 сеанстық бір курсын сатып әперді. Клараны танитынын жасырмады. Әпке деп, сыйлап тұратын сіңлілерімнің бірі, әлеу.желідегі деді. Айнұр қазақтың мықты қыздарының бірі ғой, оны кім танымайды? Танығанның бәрі “сыбайласы” емес қой. Айнұрдыкі үлкен адамгершілік болды. Қалдыбек аға да алғысын жаудырып, риза болды, қарындасына. Сөйткен Айнұрға да жақпаған күйесі қалмапты, бұл қыздың. Ешкімнің жақсылығын түсінбейтін, бәрінен тек жамандық іздейтін адамға дауа бар ма?.
Ал Кларамен бір дастарханда түскен сурет — 2021 жылғы, ұмытпасам. Сол жылы Стамбулда қазақ келіншектер бір-бірімен “қырылысқан” бір іс болып еді ғой) байерлікке қатысты. Мен Ақтаулық кәсіпкер келіншекті қорғадым. Динара есімді, алты баланың анасы. Сол іспен барғанда, Айнұр Қазақстаннан барған бір топ адамды үйіне шақырып, қонақ қылған болатын. Солардың ішінде Жанқоштың әйелі де болыпты. Ал мына бикештің ісі былтыр, 2024 жылы басталды. Яғни ол іс басталардан үш жыл бұрынғы фотоны тауып алып, (менде жоқ, ол фото) желіні шулатып отыр. Ұмытыла бастаған атын қайта шығарғысы келген шығар. Ондайларға аттары қалай шықса да, бәрібір ғой, “жер өртесе” де, “зорланса” да,шықса болды. Тек басқалардың жүйкесі мен денсаулығына зияндарын тигізетіні болмаса..Елдің көңілімен ойнау, сенімін алдау деген түк емес екен, ондайларға. Енді сотта кездесеміз ғой, бұйырса. Бұл тақырыптағы соңғы постым, осы. Артық кеткен жерлерім болса, бәріңізден кешірім өтінем», деп қорытындылады адвокат.
