Украинаның Жоғарғы Радасының бұрынғы спикері Андрей Парубиді Львов қаласында атып кетті, деп хабарлайды Азаттық радиосының украин қызметі. Бұл жайлы Alash.kz. жазды.
Полиция марқұмның атын атамады, бірақ түске таман қаланың Сихов ауданында атыс болғанын растады. Оқ атқан адам қашып кетті, оны іздеуде. "РБК-Украина" дереккөздерінің хабарлауынша, кісі өлтіруші өзін жеткізу қызметінің курьері ретінде таныстырған.
Парубийдің өлімін Украина президенті Владимир Зеленский мен Львов облысының әскери әкімшілігінің басшысы Максим Козицкий растады. Олардың айтуынша, саясаткерді өлтірген адам іздестіріліп жатыр.
Андрей Парубий 2016 жылдың 14 сәуірінен 2019 жылдың 28 тамызына дейін Жоғарғы Раданың спикері болды. 2019 жылдан кейін Петр Порошенконың "Еуропалық ынтымақтастық" партиясының депутаты ретінде саяси қызметін жалғастырды.
