Ресейдің Түркиядағы дипломатиялық миссиясын аяқтаған елшісі Алексей Ерхов Hürriyet басылымына берген сұхбатында Ресей президенті Владимир Путин мен Украина басшысы Владимир Зеленский арасындағы кездесу алдын ала дайындалмаса, "теріс әсер беруі мүмкін" екенін айтты, деп жазады Alash.kz.
"Ресей ешқашан Зеленскиймен кездесуден бас тартқан емес. Бірақ кез келген кездесу жақсы дайындалып, оң нәтижеге жетуі керек, әйтпесе ол "кері әсер етуі" ықтимал", – деп атап өтті Ерхов.
Бұған дейін РФ СІМ-нің Киевтегі елшісі Родион Мирошник Зеленский Мәскеуге келетін болса, Путин тарапынан оған "қуатты" қауіпсіздік кепілдіктері берілетінін мәлімдеген.
5 қыркүйекте Ресей президенті Владимир Путин Шығыс экономикалық форумы (ШЭФ) пленарлық отырысында Зеленскиймен кездесу үшін ең қолайлы орын – Мәскеу екенін айтты. Сондай-ақ ол украиналық көшбасшы мен оның делегациясының астанаға келуін қаласа, олардың қауіпсіздігіне 100% кепілдік беретінін атап өтті.
