Әйтеуір бір өтінім беретінімізге сенімдімін - Асхат Оралов.
Мәдениет және спорт министрі Асхат Оралов Үкімет кулуарында Өзбекстан мен Қазақстанның футболдан әлем чемпионатын «өткізетіні» туралы ақпаратқа пікір білдірді, деп хабарлайды Almaty-akshamy.kz ҚазАқпаратқа сілтеме жасап.
«Бүгінде футболдан ұлттық құраманың нәтижелері көңіл қуантады. Қатарынан үш жеңіске жеттік, талайдан бері мұндай болған жоқ. Қыркүйек айында қарымта кездесулер болады. Мен қазақстандықтар футболшыларымызды қолдауға келеді, сол арқылы өскелең буынға үлгі болады деп қатты үміттенемін», - деді министр.
Оның сөзінше, дәл қазір Қазақстанның футболдан әлем чемпионатын өткізуі туралы мәселе күн тәртібінде жоқ.
«Әйтеуір бір өтінім беретінімізге сенімдімін. Бірақ қазір күн тәртібінде тұрған жоқ», - деді Асхат Оралов.