Хуситтердің премьер-министрі Ахмед әл-Рахави мен бірнеше министр Израиль әскерінің Йеменге жасаған әуе соққысы салдарынан қаза тапты. Бұл ақпаратты көтерілісшілер растады. Бұған дейін олардың қазасы туралы Израиль әскері хабарлаған еді, деп жазады Alash.kz.
Әл-Рахави 2024 жылдың тамызынан бері хуситтер үкіметін басқарған. Көтерілісшілердің айтуынша, ол Йемен астанасында үкіметтің кезекті отырысын өткізіп жатқан сәтте Израиль соққы жасаған.
Израиль әскері сол күні «Хуситтердің террористік режиміне тиесілі әскери нысанына соққы бердік» деп мәлімдеді.
Reuters агенттігінің хабарлауынша, қаза тапқандардың қатарында хуситтердің қорғаныс министрі мен бас штабының бастығы да болған. Израиль әскерилері бірқатар нысандарды атқылап, ол жерлерде жоғары лауазымды шенеуніктер алдын ала жазылған тележолдауды көруге жиналған еді.
