Украина президенті Владимир Зеленский 29 тамызда ел тарихындағы маңызды құжатқа қол қойды, деп хабарлайды Alash.kz.
Жаңа заңнамалық құжат “Украин халқының ұлттық жадын мемлекеттік саясаттың негіздері туралы” деп аталады. Ол мемлекеттің тарихи жадына қатысты саясатты жүйелеумен қатар, алғаш рет “рашизм” ұғымын ресми түрде заң жүзінде бекітті.
Бұл құжат Украина үшін тек заңдық қадам ғана емес, ұлттық бірегейлікті сақтаудың, болашақ ұрпаққа тарихи шындықты жеткізудің маңызды тетігі ретінде бағаланып отыр.
Жаңа заңда “рашизм” – Ресейдегі тоталитарлық әрі шовинистік идеологияға негізделген, нацистік және коммунистік тәжірибелерді біріктіретін саяси жүйе ретінде сипатталған. Бұл ұғым Украинада соғыс басталғаннан бері кең қолданысқа еніп, Ресейдің әрекеттерін айыптауда басты терминдердің біріне айналды.
Сарапшылардың пікірінше, бұл қадам тек символдық ретінде танылып қана қоймай, ресейлік насихатқа қарсы идеологиялық құрал болып, мәдени иммунитет қаоыптастырмақ.
Президент кеңсесі басшысының орынбасары Ирина Верещук құжатты елдің тарихи санасын нығайтуға бағытталған маңызды бастама деп атап, бұрынғы президенттердің ешқайсысы мұндай батыл шешімге бармағанын алға тартты.
