Жалпықалалық сенбілікке шыққандардың көңіл-күйі өте жоғары.
Алматының Желтоқсан саябағында өтіп жатқан сенбілікке танымал әнші Алтай Өктем де қатысып, парк аймағында тал еккен адамдардың қатарында болды, деп хабарлайды Аlmaty-akshamy.kz.
- Бүгін қала бойынша сенбілікке жиналып, сондай бір керемет мерекенің, мейрамның үстіне келіп жатқаныма өте қуаныштымын. Көңіл-күйіміз өте жоғары. Өйткені қолға күрек ұстаған кезде, бойда қан тарап, атқа мінген қазақ құсап делебен қозады ғой. Бала кездегі ұстаған күректі қазір де ұстап, қаланың тазалығына, жалпы табиғатымыздың өсуіне, ағаштардың жапырақ жаюына үлес қосып, тал егіп жатқан жайымыз бар. Қазақ «бір тал кессең, он тал ек» деп айтады ғой, бүгін халық арасында Желтоқсан саябағында тал егіп жатқаныма қуаныштымын, - деді Алтай Өктем.
