Қазақ ұлттық аграрлық университетінің ұжымы Мемлекет басшысының Жолдауына байланысты «Дөңгелек үстел» өткізді. Іс-шара «Жолдау – күрмеуі күрделі мәселелерді көтерген құжат. Биік деңгейде талданып, алдымызға шешім қойды» деген тақырып аясында өрбіді.
Жиынға қатысушылардың айтуларынша, ЖОО студенттері мен оқытушы құрам маңызды құжатқа аса жауапкершілікпен қарайды. Сондықтан Жолдаудың әр бөлімін талдап шыққан. Олар құжат бір мезеттік емес, стратегиялық маңызы бар болғандықтан жұмыла орындауға ниетті.
«Құжатты жүзеге асыратын бір-ақ қана механизм бар. Ол адамдардың ынта-жігері, қызығушылығы, адалдығы. Басқа жол жоқ. Қазір шетелдік университеттермен байланысып, Нидерланды университетінің осындағы филиалы ашылды. Шетелдік ғалымдар да келіп жатыр. Ұстаздар келіп жатыр. Демек, біз бұрынғы темір перденің ар жағында, бер жағында қалған ел емеспіз», – деді тарихшы Хангелді Әбжанов.
