Объектілерге 883 жол-пайдалану техникасы бекітілді.
Республикалық автожолдарды су басып, шайып кетуін болдырмау үшін су тасқынына қарсы іс-шаралар жоспары бекітілді. Бұдан басқа, жол қызметтері өкілдерінен орталықта және өңірлерде комиссиялар құрылды, деп хабарлайды Almaty-akshamy.kz.
«Жоспар аясында 482 қауіпті жол учаскесі, 59 көпір және 739 су өткізу құбыры бақылауға алынды», - делінген ҚР ИИДМ баспасөз қызметінің хабарламасында.
Объектілерге 883 жол-пайдалану техникасы бекітілді. Тәулік бойы кезекшілік ұйымдастырылып, жолдар мен жол құрылыстарына күнделікті патрульдеу жүргізіледі.
Сонымен қатар су өткізу құбырлары мен көпірасты аймақтардың арналарын қардан тазарту жұмыстары басталды.
