Олар бірлескен іс-шаралар жоспарын мақұлдады.
Қазақстан мен Ресей мамандары арнайы кездесіп, шегіртке зиянкестерінің таралуына жол бермеу жөнінде жоспарды талқылады, деп хабарлайды Almaty-akshamy.kz.
«Қазақстан Республикасы және Ресей Федерациясының Ауыл шаруашылығы министрліктерінің өсімдіктерді қорғау қызметі мамандарының қатысуымен екі жақты келісімі шеңберінде шегіртке зиянкестеріне қарсы қорғау іс-шараларын өткізу мәселелері жөніндегі халықаралық кеңесі өтті», - делінген АШМ баспасөз қызметінің хабарламасында.
Іс-шара барысында мемлекеттер аумағында шегіртке зиянкестеріне қарсы қорғау шараларын ұйымдастыру, сондай-ақ олардың шектес аумақтарға көшуіне жол бермеу мақсатында өзара іс-қимыл жасау мәселелері талқыланды.
Кездесу қорытындысы бойынша, 2022 жылы Қазақстан мен Ресейдің шекаралас аймақтарында шегіртке зиянкестерінің таралуына жол бермеу жөніндегі бірлескен іс-шаралар жоспары мақұлданды.
Сондай-ақ, тараптар екі мемлекеттің шекара маңы аумақтарына шегіртке зиянкестерінің таралу ошақтарын анықтау және олардың көшуіне жол бермеу мақсатында бірлескен зерттеулер жүргізу туралы келісімге келді.
