Алматы – Тәуелсіздіктің алтын бесігі

Қалам тербеушілерге серпін болмақ

Қазақстан Республикасы Тәуелсіздігінің 30 жылдығына орай Алматы қаласы әкімдігі мен Қазақстан Жазушылар одағы басқармасы «Алматы – Тәуелсіздіктің алтын бесігі» атты әдеби байқау жариялайды, деп хабарлайды Almaty-akshamy.kz

Байқаудың шарттарымен төменде таныса аласыздар.

• БАЙҚАУДЫ ҰЙЫМДАСТЫРУШЫ

Алматы қаласы әкімдігі

Қазақстан Жазушылар одағы

• БАЙҚАУДЫҢ МАҚСАТЫ


• Ел Тәуелсіздігінің 30 жылдық мерейтойына орай тәуелсіздігімізді дәріптеу, абыройын асқақтату, тарихқа үңілу, тағзым ету;


• Тәуелсіздігіміздің куәгері, ел тарихының бастауы және алтын қазығы болған Алматының бүгінгі болмысын көрсету үшін аға буын қаламгерлерді де, жастарды да осы байқауға тарту.


• қазақ әдебиетінің қазіргі әлеуетін байқатып, жастардың шығармашылығын таныту;


• БАЙҚАУДЫҢ ӨТЕТІН УАҚЫТЫ


• Байқауға өтініштерді қабылдау жарияланған күннен 2021 жылдың 26 қарашасына дейін жүргізіледі.


• Қабылданған жұмыстардың ішінен сарапшылар шешімімен іріктелгендері келесі кезеңге өтеді.

• БАЙҚАУҒА ҚАТЫСУШЫЛАР


• Ел руханияты мен қазақ әдебиетіне өз үлесін қосып жүрген барлық қаламгерлер қатыса алады. (Жасқа шектеу қойылмайды).

• БАЙҚАУДЫҢ ЕРЕЖЕСІ

• Байқауға қатысушылар «Алматы – Тәуелсіздіктің алтын бесігі» атты ортақ тақырыпта әдеби жанрларға байланысты төмендегідей аталым бойынша бақ сынайды:

1. Поэзия;


2. Проза;


3. Балалар әдебиеті (поэзия немесе проза);


4. Драматургия.

• ПОЭЗИЯ АТАЛЫМЫ БОЙЫНША

Үміткерлер байқауға екі өлеңімен қатысады:

• Тақырыпқа байланысты бір өлең;


• Еркін тақырыптағы өлең.


• Қатысушыға қойылатын талаптар:
  
  
  
  • Байқауға қатысушы берілген тақырып бойынша өзінің бір арнау өлеңімен және еркін тақырыптағы бір өлеңімен қатысады;
  
  
  • Өлеңнің көлемі 3 беттен аспау керек (А 4 форматында);
  
  
  • Өлеңнің көркемдігіне, тақырыпты ашуына, ой ұшқырлығына басты назар аударылады;
  
  
  • Өлең Microsoft Word түрінде ( Times New Roman 14) жазылып [email protected] эл.поштасына жіберілуі керек;
  
  
  
  

• ПРОЗА АТАЛЫМЫ БОЙЫНША

Қатысушылар берілген тақырып бойынша прозалық шығарма жазады.

Жұмыстың көлемі 10 беттен аспауы керек;

• Қатысушыға қойылатын талаптар:


• Әдеби жанрға тән қалыптарды сақтап, көркем мәтінде тақырыпты ашу;


• Байқауға қатысушылар еліміздің бүгінгі тыныс-тіршілігі мен отыз жыл ішіндегі өмірін суреттеген прозалық әңгімелерін жолдай алады. Сондай-ақ, Қазақстан тарихын арқау еткен әңгімелер де қабылданады;


• Шығарма Microsoft Word түрінде(Times New Roman 14) жазылып [email protected] эл.поштасына жіберілуі керек;

• БАЛАЛАР ӘДЕБИЕТІ АТАЛЫМЫ БОЙЫНША

Қатысушылар берілген тақырып бойынша проза немесе поэзия аталымдары бойынша балаларға арналған шығармаларын ұсынады.

• Қатысушыға қойылатын талаптар:


• Әдеби жанрға сай ерекшеліктерді сақтай отырып, көркем мәтінде тақырыпты ашу;


• Жазылған жұмыстың көлемі 5 беттен аспауы керек (А 4 форматында);


• Шығарманың желісі тәуелсіздікпен байланысты болуы шарт;


• Шығарма Microsoft Word түрінде(Times New Roman 14) [email protected] эл.поштасына жіберілуі керек.

• ДРАМА АТАЛЫМЫ БОЙЫНША

Үміткер берілген тақырып бойынша драмалық шығармасын ұсынады.

• Қатысушыға қойылатын талаптар:


• Қатысушылар аталған тақырыптық идеяның негізінде өз шығармаларын ұсынады;


• Драмалық шығарма І актылы немесе ІІ актылы бола береді;


• Шығарма Microsoft Word түрінде(Times New Roman 14) [email protected] эл. поштаға жіберілуі керек.

Жоғарыда аталған аталымдар бойынша жіберілген жұмыстарды арнайы тағайындалған сарапшылар тексеруден өткізіп, үздік деп танылған жұмыстар қорытынды жиында марапатталады.

Әр жанрды сараптаушылар 3 адамнан. Жалпы саны 15 адам. (Жабық түрде)

• БАЙҚАУДЫҢ МАРАПАТТАУ КЕЗЕҢІ


• Байқауға қатысушыларды марапаттау кеші Алматы қаласы әкімдігінің және Қазақстан Жазушылар одағы басқармасының ұйымдастыруымен өткізіледі.


• Марапаттау кешіне елімізге белгілі әдебиет өкілдері мен қоғам қайраткерлері қатысады;


• Әр номинация бойынша бір ғана жеңімпаз анықталады;


• Әр аталым бойынша тағайындалған қазылардың шешімімен анықталған үздік жұмыстар республика көлемінде дәріптеледі. (БАҚ-да, Теле бағдарламаларда)

• БАЙҚАУҒА ҚАТЫСУ ШАРТТАРЫ


• Байқауға қатысушылар жазылған жұмысымен бірге төменде көрсетілген (қосымша 1) үлгі бойынша өтініштерін толтырып, өзінің аталымы бойынша электронды мекенжайға жібереді.

Қосымша 1

Өтініш беру үлгісі

Ескерту! Өтініштің қате толтырылғандығы үшін ұйымдастырушылар жауап бермейді.