Тендерге түскен кездесу

Тендерге түскен кездесу
Сурет: Мамадалиеваның инстаграмм парақшасынан

Сен және мен. Бірақ, құны 1 200 000 теңге. Мадлен деген лақап атпен танымал Мадина Мамадалиева деген блогер әл желі арқылы лот жариялапты, деп хабарлайды Almaty-akshamy.kz.

Онда өзінің кездесу қызметін бағалаған. Мәселен Мадинамен кездескісі келген қыздар қалтасынан 1 200 000 теңгесін төлеуі тиіс. Ал егер ер адам болса бұл қызмет одан да қымбатырақ. Былайша айтқанда Мадинаны жақын танығысы келген жігіттер астындағы бір кездері мода болған «Приора» көлігін сатса, үш сағат 1 800 000 мың әлеуметі бар блогермен жүздесе алады.

«Сені көлігіммен алып кетемін. Сізбен бірге жүру үшін үш сағат уақытымды бөлемін. Тек Сіз және мен. Ішке жиналған сауалыңызды қоясыз. Шынайы жауап беремін. Менімен сырыңызды бөлісесіз. Мен де өз сырымды іште бүгіп қалмаймын. Екеуміз бірге тамақтанамыз, ішеміз, энергия алмасайық», - деп жазды блогер.

Айтпақшы блогер өзімен кездесуге үш лот жариялайтынын да жазған.