Қазақстан Үкіметі 2025 жылға дейін импортқа тәуелділікті жабуды көздеп отыр

Қазақстан Үкіметі 2025 жылға дейін импортқа тәуелділікті жабуды көздеп отыр
Сурет:Norma.uz

Негізгі мақсат - отандық тауарлармен алмастыру.

 Қазақстан Премьер-Министрінің орынбасары Ералы Тоғжанов «Халықтың табысын арттыру» бағдарламасын таныстыру барысында импортқа тәуелділікті қалай жабуға болатынын айтты, деп хабарлайды Almaty-akshamy.kz.

«Импортталатын азық-түлік тауарларын 100% отандық тауарлармен алмастыру жобасы негізгі мақсат етіп қойылып отыр. Бүгінгі күннің ішінде 80% деңгейінде өзімізді қамтамасыз етуге мүмкіндігіміз бар, қалған 20%-ын сырттан әкелуге мәжбүрміз. 2025 жылға дейін қалған 6 тауар бойынша импортқа тәуелділігімізді толықтай жабуға мүмкіндігіміз болады, тек қант деңгейі 80% көлемінде қалады»,- деді Ералы Тоғжанов.

Жоспарға сәйкес, 2024 жылдың соңына дейін сүт-тауар фермаларын, ет комбинаттарын, құс фабрикаларын және басқа да өндірістерді іске қосу есебінен азық-түлік өнімдерінің импортын алмастыру 100% қамтамасыз етіледі.