Алматыда полицейлердің қоғамдық көмекшілеріне 18 млн теңгеге қолдау көрсетілді
Алматыда полицияның қоғамдық көмекшісі Ұлан Салаватовтың арқасында ұзақ уақыт бойы есірткі таратумен айналысқан қылмыстық топ әшкереленді, деп хабарлайды ҚазАқпарат тілшісі.
Жалпы, Алматы қаласында полицияға көмек көрсететін сегіз қоғамдық бірлестік бар, барлығы 520 адам.
«Қалалық полицияның қоғамдық көмекшілерінің, сондай-ақ қоғамдағы оқиғаларға немқұрайлы қарамайтын азаматтарымыздың жұмысын ерекше атап өткім келеді. Олардың көмегінің арқасында көп қылмыстың беті ашылып отыр. Мәселен, өткен жылы полицияға көмек көрсеткен 520 полицияның қоғамдық көмекшісін 18 миллион теңгеге марапаттадық. Мысалы, қала тұрғыны Ұлан Салаватовтың арқасында ұзақ уақыт бойы есірткіні жасырып таратумен айналысқан қылмыстық топ әшкере болды. Қаламыздың қоғамдық тәртібіне бей-жай қарамайтын осындай белсенді азаматтардың көбейгенін қалаймын, – деді Қанат Таймерденов.
Сондай-ақ, ол Алматы полициясы қаладағы қауіпсіздікті қамтамасыз ету, қылмыспен күресу, азаматтардың конституциялық құқықтары мен бостандықтарын қорғау үшін бар күш-жігерін салатынын атап өтті.